Суд Торак инспекциясе карарын хуплады
Вахитов район суды Татарстан Торак инспекциясенең газ хезмәте хезмәткәрләрен фатирга кертмәгән өчен штраф рәвешендә административ җәза билгеләү турындагы карарын хуплады.
Торак инспекциясенә 25 Октябрь урамындагы 11 нче йортта яшәүче гражданин В. карата административ эш материаллары керде. Фатир милекчесе «Казаньгоргаз» ЭҖИ хезмәткәрләрен техник хезмәт күрсәтү өчен кертмәгән.
Газ җиһазыннан файдалану мөмкинлеген тәэмин итү һәр милекченең бурычы. Гражданин В. карата 10 мең сум күләмендә максималь штраф билгеләнде. Ир-ат инспекторлар карары белән килешмәде һәм аны судка бәхәс итте. Судья, эш материалларын карап чыгып, өлешчә канәгатьләндерде: штраф күләмен киметте.
Хәзерге вакытта Торак инспекциясенә гражданнар тарафыннан махсуслаштырылган оешма вәкилләрен техник хезмәт күрсәтү өчен фатир эчендәге газ җиһазларына кертмәү турында 10 материал керде.
Узган ел кергән материалларны исәпкә алып, инспекторлар техник хезмәт күрсәтү өчен белгечләрне кертмәү буенча 49 материалны карый, шуларның 26сына 185 мең сум штраф билгеләнде, 23е – эштә.
Кичә Гагарин урамындагы 111 нче йортта тоташтырылган стояк сүндерелгән иде. Сәбәбе – газ җиһазларын дөрес файдаланмау. Фатирларның берсендә кисәтүләрне бетергәннән соң, зәңгәр ягулык бирүне торгыздылар.
Үзегезне һәм якыннарыгызны саклагыз.
Татарстан Торак инспекциясе матбугат хезмәте