Александр Тыгин Чистай, Алабуга һәм Менделеевскида булды
Татарстанның баш торак инспекторы Чистай, Менделеевск һәм Алабуга районнарында булды. Александр Тыгинны башкарма комитетлар һәм идарәче компанияләр вәкилләре озата йөрде.
Александр Тыгин барлык районнарда капиталь ремонт планлаштырылган күпфатирлы йортларны карады. Мисал өчен, Чистай шәһәрендә 8 йортны ремонтлау планлаштырыла: 5 йортта масштаблы ремонт, 3 йортта өстәмә программа буенча түбә ремонтлана.
Йорттагы кимчелекләр һәм ватылулар күрсәтелгән дефектлы ведомостьлар расланды. Капиталь ремонт Татарстанның Торак инспекциясе контроле астында узачак. Инспекторлар һәр йортка бер генә тапкыр килмәячәк.
Менделеевск районында визит Татар Чаллысы авылында гражданнарны кабул итүдән башланды. Җиңү урамындагы 2нче йортта яшәүче шикаять белән мөрәҗәгать итте.
Алабуга шәһәрендә шулай ук берничә йортта булдылар, алардан йортларны карап тотуга шикаятьләр килде: стеналарда күгәрек, вентиляция начар эшли, торак-коммуналь хезмәтләр өчен түләү мәсьәләләре.
Исегезгә төшерәбез, республиканың Торак инспекциясе узган елдан башлап гражданнарны күчмә кабул итүләр үткәрә. Язылуны ачу турында алхәбәрләр Торак инспекциясе сайтында һәм социаль медиа челтәрләрендә урнаштырыла.
Безнең мәкаләләрне күзәтеп барыгыз.
Татарстан Торак инспекциясе матбугат хезмәте