Инспекторлар нинди очракларда күрсәтмәләр чыгара?
Әгәр Татарстан Торак инспекциясе хезмәткәрләре тикшерү вакытында хокук бозуларны ачыкласа, беркетмә төзиләр һәм хокук бозуларны бетерү буенча билгеле бер вакытта үтәлүне таләп итә торган күрсәтмә чыгаралар.
Мәсәлән, Торак инспекциясе идарәче оешманы түбәндәгеләрне эшләргә мәҗбүр итә ала:
- күпкатлы йортның берәр элементын ремонтларга (диварларны буярга, түбәсен ремонтларга һ.б.);
- торак-коммуналь хезмәтләр өчен түләүне яңадан исәпләп чыгарырга;
- торакта яшәүчеләргә бирелә торган коммуналь ресурсларның норматив параметрларын (краннардагы кайнар суның яисә бүлмәләрдәге һаваның температурасын) торгызырга;
- йортны карап тоту буенча санитария таләпләрен үтәргә (подъездларның, йорт яны территорияләренең чисталыгын тәэмин итәргә һ.б.).
Торак инспекциясе идарәче оешмаларга карата гына түгел, башкаларга карата да күрсәтмәләр чыгара ала. Шул исәптән, ул хезмәт күрсәтүчеләр яисә яшәүчеләрнең үзләре тарафыннан хокук бозуларга карата йогынты чарасын күрә.
Ресурслар белән тәэмин итүче оешмалар, мәсәлән, әгәр тикшерү коммуникацияләрдә параметрлар бозылуны теркәсә, бирелә торган суның температурасын күтәрү турында күрсәтмә алырга мөмкин.
Фатир милекчеләренә дәгъвалар күпчелек очракта газ приборларын үз белдеге белән урнаштыру, техник хезмәт күрсәтү өчен фатирга газ хезмәткәрен кертмәү һәм яңадан планлаштыруны законсыз башкару белән бәйле.
Татарстан Торак инспекциясе матбугат хезмәте