Кем күбрәк: 2024 елда идарәче компанияләр антирейтингы
Республиканың Торак инспекциясе татарстанлыларның шикаятьләрен анализлады һәм антирейтинг төзеде. Узган ел эчендә Инспекциягә рекордлы санда мөрәҗәгать килде - 23 731, бу аннан алдагы ел белән чагыштырганда 35% ка диярлек күбрәк. Тулаем республикада 2024 елда министрлыклар һәм ведомстволар 88 328 мөрәҗәгать караган, ягъни өчтән береннән артыгы – Торак инспекциясе өлеше.
Шикаятьләр күп, һәм димәк, административ йогынты чаралары берничә идарәче компаниядә.
Антирейтингта беренчелекне Әлмәт районында өч ИК гамәлгә куючы: «ЖЭУ-3» ҖЧҖ, «АЛЬЯНС» ҖЧҖ һәм «Первый поселок «ИК» ҖЧҖ – административ җаваплылыкка тарту турында 39 карар. Гамәлгә куючыга 2 млн 72 мең сумлык штраф язылган.
Икенче урында - «Ремжилстирой ИК» ҖЧҖ, «Электротехников ИК» ҖЧҖ, «Махалля ИК» ҖЧҖ – 31 карар, 1 млн 62 мең сумлык штраф.
Өченче урында – Түбән Каманың «Әйбәт» ИК» ҖЧҖ - 35 беркетмә, 955 мең сумлык штраф.
Алга таба:
- Түбән Кама шәһәренең «Жильё» ИК» ҖЧҖ – 14 беркетмә, 843 мең сумлык штрафлар;
- Чаллы шәһәренең «Камстройсервис» ИК ҖЧҖ – 12 карар, 495 мең сумлык штрафлар;
- Әлмәт шәһәренең «ЖЭУ 7» ҖЧҖ – 9 карар, 450 мең сумлык штрафлар;
- «Альметьевск» ИК ҖЧҖ – 2 карар, 350 мең сумлык штрафлар;
- «АЛСУ ИК» ҖЧҖ – 13 карар, 332 мең сумлык штрафлар;
- Әлмәт шәһәренең «АСЦЖ» ҖЧҖ – 6 карар, 125 мең сумлык штраф;
- «Зәй шәһәре ТКХ ИК» ҖЧҖ – 6 беркетмә, 88 мең сум штраф.
Исемлектә торак милекчеләре ширкәтләре юк. Аларга дәгъвалар булмаганга түгел. Аларга закон лояль карый: монда штрафлар минималь.
Әгәр вазыйфаи зат иң күбе 100 мең сум күләмендә штраф ала алса, торак милекчеләре ширкәтендә – 20 тапкырга кимрәк. Идарәче компаниягә карата иң күбе 300 мең сумга штраф билгеләнергә мөмкин, торак милекчеләре ширкәтенә – 3 тапкырга кимрәк.
Күпфатирлы йорт белән идарә итү өчен ИК лицензия алырга тиеш, ТМШ иң сөйкемле һәм грамоталы күрше җитәкли ала, өстәвенә, торак-коммуналь хуҗалыкта эш тәҗрибәсе булмаса да ярый. Ягъни җаваплылык һәм ихтыяҗ дәрәҗәсе төрле.
Татарстан Торак инспекциясе матбугат хезмәте