«Первый поселок» ИК Инспекция игътибарын кабат үзенә җәлеп итте
«Первый поселок» ИК директоры Административ хокук бозулар турында РФ кодексының 14.1.3 ст. 2 өлеше буенча чираттагы мәртәбә административ җаваплылыкка тартылды. Бу юлы Әлмәт шәһәренең Герцен урамындагы 94 нче йортны тиешенчә карап тотмаган өчен.
Республиканың Торак инспекциясе милекче шикаяте нигезендә планнан тыш тикшерү уздырды. Барлык фактлар да расланды: барлык подъездларның баскыч мәйданчыкларында һава температурасы +16 градустан кимрәк, 3 нче подъездда җылыту радиаторы эшләми; кайбер подъездларда кайнар су белән тәэмин итү торбаүткәргечләренең җылылык изоляциясе юк; тамбур ишекләре тыгыз ябылмый, ярыклар бар; йорт яны территориясе кардан чистартылмаган.
Идарәче компания директоры Административ хокук бозулар турында РФ кодексының 14.1.3 ст. 2 өлешендә каралган хокук бозуда гаепле дип табылды, 25 мең сум күләмендә штраф билгеләнде.
«Первый поселок» чыннан да беренче, әмма антилидерлар арасында: 2024 елда ИК директоры 19 тапкыр җаваплылыкка тартылган, 1 млн 81 мең сумлык штраф язылган. Республиканың ИК арасында антилидерлар исемлеге бу атнада бастырылачак.
Татарстан Торак инспекциясе матбугат хезмәте