Татарстанның Торак инспекциясе «Уңайлы йорт» ИК җитәкчесен квалификациясеннән мәхрүм итүне таләп итә
Республиканың Торак инспекциясе башкаланың Яңа Савин районы идарәче компаниясе башлыгын дисквалификацияләүгә ирешергә тели. «Уютный дом» идарәче компаниясенә казанлылардан шикаятьләр килә. Контроль-күзәтчелек чараларын үткәргәндә инспекторлар лицензия таләпләрен бозу очракларын ачыклыйлар. Аларның кайберләре яшәүчеләрнең һәм үтеп баручыларның гомеренә һәм сәламәтлегенә куркыныч тудыра, мәсәлән, Гаврилов урамындагы 2 нче йортның фасад плитәсе коела.
Татарстан Республикасы Дәүләт торак инспекциясе әлеге идарәче компания җитәкчесен дисквалификацияләүгә ирешү нияте белән судка мөрәҗәгать итте. Законнарны һәм гражданнарның хокукларын бозып, торак фондына хезмәт күрсәтү буенча алып барыла торган эшчәнлек туктатылырга тиеш. Идарә итү елларында файдалануга тапшырылган торак фонды норматив хәлгә китерелергә, милекчеләрнең бозылган хокуклары торгызылырга тиеш.
Татарстан Торак инспекциясе матбугат хезмәте