Дәүләт торак инспекциясе рәсми телеграм-бот эшен башлады
Татарстан Торак инспекциясенең яңа цифрлы сервисы - рәсми телеграм-бот, ул татарстанлыларга мөһим мәгълүматны тиз арада алырга һәм күпфатирлы йортлар белән идарә итүгә һәм коммуналь хезмәтләргә бәйле мәсьәләләрне хәл итәргә ярдәм итәчәк.
Хәзер кирәкле мәгълүматларны эзләүгә вакыт әрәм итәсе юк. Сервисның төп мөмкинлекләре арасында – мөрәҗәгатьләр һәм шикаятьләр бирү буенча адым саен аңлатмалар, актуаль торак мәсьәләләре буенча аңлатмалар, шулай ук авария хәлендәге хезмәтләрнең элемтәләре белешмәләре. Кулланучылар Инспекциягә шәхсән мөрәҗәгать итмичә яки чит ресурслардан мәгълүмат эзләмичә кирәкле мәгълүматны тиз арада таба алачак.
Сервис тәүлек буе эшли һәм даими рәвештә халык соравы нигезендә яңа материаллар белән тулыландырыла. Техник өзеклекләр очрагында ярдәм каралган. Телеграм-ботка сылтама: https://t.me/Gji_RT_bot
Телеграм-ботны эшләтеп җибәрү мәгълүматның һәркем файдалана алырлык булуын арттыруга һәм республика халкының Дәүләт торак инспекциясе белән үзара хезмәттәшлеген гадиләштерүгә юнәлдерелгән.
ТР ДТИ матбугат хезмәте