Усад авылындагы өйләр буенча массакүләм мәгълүмат чараларындагы мәкаләләр турында
Кайбер массакүләм мәгълүмат чараларында Лаеш районы Усад авылының Уютная урамындагы йортларны карап тоту турында мәгълүмат таралды.
Милекчеләр «Эверест сервис» ИК гамәл кылмавына зарланганнар.
Биредә яшәүчеләр гомуми җыелыш үткәреп, анда идарәче компанияне «УК Элит дом» ҖЧҖ алмаштыру турында карар кабул иткәннәр. 2024 елның 20 ноябрендә Татарстан Торак инспекциясенә әлеге идарәче компаниядән лицензияләр реестрына үзгәрешләр кертү турында гариза һәм документлар килде.
Документларны карап, Инспекция лицензияләр реестрына үзгәрешләр кертте, һәм 1 февральдән «Элит дом» ИК №№ 2,6,8,10,12 йортларга хезмәт күрсәтүгә керешергә тиеш иде.
Уютная урамындагы 4 нче йорт буенча йорт биналары милекчеләренең гомуми җыелышы карарының әһәмиятсезлеге ачыкланганга күрә кире кагылды: бюллетеньнәрдә милекчеләрнең фамилия, исем, ата исемнәренә төзәтмәләр кертелгән иде. Бу йортта яшәүчеләр кворумны санаганда аларның карарларын (бюллетеньнәрен) исәпкә алуны сорап, безгә мөрәҗәгатьләр җибәрделәр. Мөрәҗәгатьләр карала.
Кичә инспекциягә «Эверест ИК» ҖЧҖ Уютная ур., 2,6,8,10,12 номерлы йортлар буенча Инспекция карарларын туктатып тору турында Лаеш район суды билгеләмәләренең күчермәләре килде. Нигезләүләр – әлеге йортларда яшәүчеләр җыелыш карарын гамәлдә түгел дип тану турында судка дәгъвалар биргәннәр.
Әмма әлеге документларның дөреслеге ачыкланмаган. Район судыннан Инспекциягә билгеләмәләр килмәде. Шулай ук судның рәсми сайтында да алар юк. Шуңа бәйле рәвештә Инспекция документларның (билгеләмәләрнең) таныкланган күчермәләрен таләп итеп, Лаеш район судына гариза юллады. «УК Эверест сервис» ҖЧҖ хаты карала.
ТР ДТИ матбугат хезмәте