200, 50 һәм 4: Түбән Камада кемгә һәм ни өчен штраф салдылар
Татарстанның Торак инспекциясенә түбәнкамалылардан су булмау турында шикаятьләр килде: краннар йә коры, йә су бик аз ага. Шинчылар проспектындагы 44, 50, 54, 3б номерлы йортларда һәм Тынычлык проспектындагы 5,61 номерлы йортларда яшәүчеләрдән берьюлы берничә мөрәҗәгать килде.
Түбән Кама районара торак инспекциясе хезмәткәрләре контроль-күзәтчелек чараларын уздырдылар. «Әйбәт» идарәче компаниясендә һәм «Суүткәргеч-канализация һәм энергетика хуҗалыгы» АҖ хезмәт күрсәтүче компаниясендә булдылар, аларның документларын өйрәнделәр.
Тикшерүләр күрсәткәнчә, 2024-2025 еллар аралыгында салкын су булмауга һәм торбаларда җитәрлек басым булмауга күпсанлы мөрәҗәгатьләр кергән. Түбәнкамалыларның гаризаларын өйрәнгәннән соң, инспекторлар барлык сүндерүләрнең дә салкын су белән тәэмин итүне өзүнең рөхсәт ителә торган дәвамлылыгыннан артып китүен ачыкладылар.
Нормативлар нигезендә, тәнәфес 1 ай дәвамында 8 сәгать (бергә кушып), берьюлы 4 сәгать тәшкил итәргә мөмкин. Су белән тәэмин итү системасында басым нормалары буенча да тайпылышлар бар.
Тикшерү нәтиҗәләре буенча һәм йортларда яшәүчеләрдән килгән гаризаларны анализлау нигезендә түбәндәге чаралар күрелде:
- «Әйбәт» ИК ҖЧҖ директоры Административ хокук бозулар турында РФ кодексының 7.23.3 ст. 1 өлеше буенча административ җаваплылыкка тартылды, аңа 50.000 сум штраф салынды,
- «Әйбәт» ИК ҖЧҖнең дүрт хезмәткәре шул ук статья буенча 4 000 сумга штрафка тартылды;
- хезмәт күрсәтүче оешма Административ хокук бозулар турында РФ кодексының 7.23 статьясының 2 өлеше буенча Инспекция тарафыннан дүрт тапкыр административ җаваплылыкка тартылды, гомуми суммасы 200 000 сум күләмендә штраф салынды.
Татарстан Торак инспекциясе матбугат хезмәте