Казанлыларның уңайсызлыгы өчен 50 мең сум
Казанда «Новые Горки» ТКХ ИК директоры административ җаваплылыкка тартылды. Сәбәбе – Академик Парин урамындагы 16 нчы йортта яшәүче хатынның мөрәҗәгате.
Инспекторлар планнан тыш тикшерү уздырды, барлык фактлар расланды. Подвалда чүп-чар һәм су үтү эзләре, торбаүткәргеч вентиле ага, отмостка белән цоколь тоташкан урында ярыклар, канализация торбаүткәргечендә ярыклар бар.
Подвалдагы юешлек йортның бөтенлеген бозу белән яный. Бетон конструкцияләр даими дымлылыктан җимерелергә мөмкин. Моннан тыш, подвалдагы су – фатирлардагы начар ис. Өстәвенә черки һәм борча үрчетү өчен дә уңайлы мохит булып тора, ә торакларны карап тотучыларның бурычлары – кешеләр өчен алар түли торган уңайлылыкны тәэмин итү.
Барлык факторларны исәпкә алып, инспекторлар кисәтү белән генә чикләнмәде, 50 мең сум күләмендә штраф билгеләделәр.
ТР ДТИ матбугат хезмәте