Җавапсыз җаваплылык
Бөгелмәнең «Нефтяник» торак милекчеләре ширкәте рәисе чираттагы мәртәбә федераль законны бозуда гаепле дип табылды: ул янә ТКХ ДМС мәгълүмат системасына тиешле мәгълүматны кертмәгән.
Татарстанның Торак инспекциясе эш материалларын судка җибәрде. Рәис Административ хокук бозулар турында РФ кодексының 13.19.2 ст. 2 өлеше буенча хокук бозган. Аерым алганда: дәүләт мәгълүмат системасында 2014 елның иске уставы урнаштырылган, ә Юридик затларның бердәм дәүләт реестры өземтәсе нигезендә уставка соңгы үзгәреш 2024 елның 21 маенда кертелгән.
Торак милекчеләре ширкәте рәисе федераль закон таләбен генә түгел, суд чакыруын да игътибарсыз калдырды – эшне карауга килмәде. Судья материалларны карады, 5000 сум штраф билгеләде.
Татарстанның Торак инспекциясе күпфатирлы йортлар белән идарә итү эшчәнлеген гамәлгә ашыручы затларның белешмәләрне торак-коммуналь хуҗалыкның дәүләт мәгълүмат системасында урнаштырырга тиешлеге турында искәртә. Мәгълүматны тулы күләмдә урнаштырмаган яки бөтенләй урнаштырмаган өчен вазыйфаи затлар 10000 сумга кадәр штраф рәвешендә административ җаваплылыкка тартылырга мөмкин.
ТР ДТИ матбугат хезмәте