Казанда җиде кеше исле газ белән агулаганнан соң җинаять эше кузгатылган
Россиянең Тикшерү комитеты Казанның Рихард Зорге урамындагы 21нче йортта исле газ белән җиде кеше, шул исәптән дүрт бала агуланган очрактан соң куркынычсызлык таләпләренә туры килми торган хезмәтләр күрсәтү факты буенча җинаять эше кузгаткан. Исегезгә төшерәбез, гадәттән тыш хәл 27 гыйнвар кичендә панель йортның беренче катындагы фатирда килеп чыга.
Вентиляциядә һәм төтен чыгаргычта һава тарту көче булуга карамастан, бинада исле газның югары концентрациясен теркәгәннәр. Белгечләр стояктагы биш фатирда газ белән тәэмин итүне сүндергәннәр.
Һәлакәтнең башлангыч сәбәбе газ җиһазларын эксплуатацияләү кагыйдәләрен бозу булган. Торак инспекциясе инцидент шартларын ачыклый, шулай ук идарәче компанияләр һәм газ хезмәтләре тарафыннан йөкләмәләрнең үтәлешен тикшерә.
Тикшерү барышы Тикшерү комитеты башлыгы Александр Бастрыкин контролендә.
Татарстан Торак инспекциясе матбугат хезмәте