Алабугадагы ИК кар астында ишегалды өчен түләячәк
«Созвездие» Алабуга идарәче компаниясе Административ хокук бозулар турында РФ кодексының 14.1.3 ст. 2 өлеше буенча ишегалдының торышы: подъездларда һәм тротуарларда кар көртләре, юлларда боз колеясы өчен административ җаваплылыкка тартылды.
Татарстанның Торак инспекциясенә Болгар урамындагы 6 нчы йортта яшәүчедән шикаять килде. Инспектор өйне карады, барлык фактлар расланды. Идарәче компаниягә 25 мең сум күләмендә штраф билгеләнде.
Татарстанның Торак инспекциясе идарәче оешмаларның игътибарын шуңа җәлеп итә: республикада һава торышы үзгәрү сәбәпле, ишегалларында, бигрәк тә керү төркемнәрендә бозлавык барлыкка килә. Ә бу татарстанлыларның сәламәтлеге өчен җитди куркыныч тудыра. Шулай ук торак йортларның түбәләреннән һәм фатирларның балконнары өстендә кар һәм боз төшү куркынычы да арта.
Идарәче оешмаларның бурычлары турында искәртеп узабыз: йорт яны территорияләрендәге тротуарларны һәм баскычларны ком-тоз катнашмасы белән эшкәртү, юл һәм җәяүлеләр өчен юл янәшәсендәге йортларның түбәләрен кардан, боздан һәм боз сөңгеләреннән чистарту эшләрен оештыру.
Таләпләрне үтәмәүне Татарстан Торак инспекциясе мәҗбүри һәм лицензия таләпләрен бозу дип бәяләячәк, бу исә административ җаваплылыкка китерәчәк.
Татарстан Торак инспекциясе матбугат хезмәте