60 урынына 38,6: идарәче компания кайнар суның түбән температурасы өчен штрафка тартылды
Әлмәт шәһәренең Шевченко урамындагы 166 нчы йортта яшәүче Татарстанның Торак инспекциясенә кайнар суның түбән температурасына шикаять белән мөрәҗәгать итте. Ул «Комфорт» идарәче компаниясенә берничә тапкыр мөрәҗәгать иткән, ләкин берни дә үзгәрмәгән.
Инспектор үлчәүләр ясады: ванна бүлмәсендә кайнар су температурасы +51 градус, кухняда +38,6 градус, бу исә норматив параметрларга туры килми.
Идарәче компания Административ хокук бозулар турында РФ кодексының 7.23 ст. буенча, 5000 сум күләмендә штраф салып, административ җаваплылыкка тартылды. Әлмәт районара торак инспекциясе күрсәтмәсе буенча су температурасы нормативка кадәр җиткерелгән.
Торак инспекциясе искәртеп уза: СанПин буенча кайнар суның минималь температурасы 60 градус, максималь температурасы 75 градус тәшкил итә. Әгәр су температурасы 40°C тан түбән булса, кулланылган су өчен түләү салкын су өчен тариф буенча башкарыла (РФ Хөкүмәтенең 354 нче карары).
ТР ДТИ матбугат хезмәте