Хәтәр фасад: Татарстанның Торак инспекциясе Казанда «Уютный дом» идарә компаниясен тикшерәчәк

2025 елның 21 гыйнвары, сишәмбе

Татарстан торак инспекциясе комиссиясе Казанда Гаврилов урамындагы 2 нче йортта тикшерү белән булачак.  Йортта яшәүче хатын хәбәр иткәнчә, 16 катлы йорт фасадыннан плитка коелган.

Хатын-кыз «Уютный дом» идарәче компаниясенә төрле мәсьәләләр буенча, шул исәптән йортның фасады буенча да, берничә тапкыр мөрәҗәгать итүен хәбәр итте, әмма нәтиҗәсе булмаган.

Контроль-күзәтчелек чарасыннан соң чаралар күреләчәк.

ТР ДТИ матбугат хезмәте