Аварияләрне бетерүче газ хезмәтен 2 көн эчендә алты тапкыр чакырту
Узган ялларда авария хезмәте 5 йортны газ белән тәэмин итүдән өзгән, Казанда 1 йортны ике тапкыр сүндергәннәр.
Республика башкаласының Киров районында газ хезмәткәрләре башта Чкалов урамындагы 7 нче йортның 1 һәм 3 нче подъездларын сүндерәләр. Ә соңрак – 4 нче һәм кабат 3 нче подъездны. Сәбәбе – төтен юлларының герметик булмавы. Әлегә соңгы подъездда гына яшәүчеләр газ плитәләреннән файдалана ала, әмма барысы өчен дә су җылыту колонкалары сүндерелгән.
Газүткәргечкә су эләгүнең ике очрагы: Казан шәһәренең Космонавтлар урамы буенча 47нче йортта һәм Әлмәт шәһәренең Чернышевский урамы буенча 46нчы йортта. Сәбәбе – су җылыту колонкасын үзбелдекләнеп урнаштыру. Казандагы «белгеч» билгеләнә, бөтен подъездда газ сүндерелгән. Әлмәттә «профессионал» гаиләсе генә «зәңгәр ягулык»тан мәхрүм ителгән. Фатир хуҗаларына гадәттән тыш хәлне бетерү буенча барлык чыгымнарны компенсацияләргә туры киләчәк.
Чистай шәһәренең Урицкий урамындагы 93 нче йортта кабельгә зыян килгән. Ремонттан һәм барлык фатирларны тикшергәннән соң газ белән тәэмин итүне торгызганнар.
Зәй шәһәренең Рәфыйков урамындагы 10 а йортында газны куркынычсызлык максатларында сүндергәннәр: фатирларның берсендә янгын чыккан.
Үзегезне һәм якыннарыгызны саклагыз!
ТР ДТИ матбугат хезмәте