Баш инспектор Түбән Камада булды
Татарстанның баш дәүләт торак инспекторы Түбән Кама районында булды. Чираттагы күчмә тикшерүнең сәбәбе кайнар су белән тәэмин итү проблемасы булды.
Александр Тыгин һәм Түбән Кама районара инспекциясе башлыгы Алмаз Гыйззәтуллин үзәк җылыту пунктлары эше белән таныштылар. ЦТП-9 – 11 биек йортны кайнар су белән тәэмин итә. Краннардан кайнар су ага башлаганчы берничә сәгать уза.
ЦТП-76 предприятиесендә зур үзгәрешләр, ул 10 йортка хезмәт күрсәтә. Монда җылылык алмаштыргычны алыштырганнар. Су белән тәэмин итү торгызылган.
Шулай ук озак вакыт кайнар су булмаган Химиклар пр., 23, Яшьлек ур., 36, Корабль ур., 21, Вахитов пр., 12а адреслары буенча күпфатирлы йортларны да карадылар.
Тикшерү нәтиҗәләре буенча идарәче һәм ресурслар белән тәэмин итүче оешмалар вәкилләре белән бергә фикер алыштылар. Александр Тыгин лицензия таләпләрен үтәү, аварияләрне билгеләнгән вакытта бетерү зарурлыгын ассызыклады һәм Торак инспекциясенең акрын эшләгән өчен административ җаваплылыкка тартачагы турында искәртте. Алдагы хезмәт күрсәтүче оешма җәй дәвамында берничә тапкыр 50 мең сум штраф түләгән.
Исегезгә төшерәбез, идарәче компаниягә шикаятьне татарстанлылар үзләре өчен уңайлы ысул белән: электрон почта, Россия почтасы, интернет-кабул итү бүлмәсе аша җибәрергә яки инспектор белән «Татарстан Торак инспекциясе» Телеграм каналы аша элемтәгә керә ала.
ТР ДТИ матбугат хезмәте