Әлмәт суды Татарстанның торак инспекциясен хуплады
Әлмәт районы җәмәгать судьясы, эш материалларын карап чыгып, «УК Первый поселок» ҖЧҖне гаепле дип тапты. Җәза – 130 мең сум күләмендә штраф.
Әгәр идарәче компания 28 ноябрьгә кадәр Татарстан Торак инспекциясе күрсәтмәсен үтәсә, финанс югалтулардан котылып кала алган булыр иде. Тельман урамындагы 58 А номерлы йортта подвалны киптерергә кирәк иде, чөнки даими юеш торакта яшәүчеләргә мәшәкатьләр тудырган, баскычларда басмаларны ремонтларга кирәк иде. Басмаларны торгызырга тырышканнар. Ләкин төзелеш материаллары йөкләнешкә түзә алмаган: төзекләндерелгән участоклар ярылган. Инспектор 6 декабрьдә кабат визит вакытында барысын да теркәде.
Идарәче компания вәкиле гаепне кире какты. Баскычлар тәртиптә, ә подвалга күбрәк вакыт кирәк, имеш. «Күрсәтмә үтәлде», - дип раслады вәкил.
Инспектор күрсәтмәне үтәү сроклары бозылган дип аңлатты. Ә подвал кипсен өчен, аны җилләтергә генә кирәк.
Административ хокук бозулар турында РФ кодексының 19.5 ст. 24 өлеше нигезендә дәүләт торак күзәтчелеген гамәлгә ашыручы органның законлы күрсәтмәсен билгеләнгән вакытта үтәмәгән яки тиешенчә үтәмәгән өчен административ җаваплылык каралган, ул өч елга кадәр штраф яки дисквалификациягә китерә. Суд штраф билгеләде.
ТР ДТИ матбугат хезмәте