Казандагы идарәче компания башлыгы штрафлар буенча "рекорд" куя

2024 елның 24 декабре, сишәмбе

"Заречье" идарәче компаниясе директоры Татарстан Торак инспекциясенә еш йөри. 3 ай эчендә аның казнасында – административ хокук бозу турындагы эш буенча инде бишенче карар. Бу юлы Казанның Лейтенант Красиков урамындагы 3/27 нче йортны карап тоту буенча.

Чираттагы шикаять, тикшерү, һәм бусагадан ук – хокук бозулар. Керү ишекләрендә – коррозия, подъездларның берсендә баскыч маршында ярык, баскычлар җимерелгән, подъездның стеналарында буяу куба.

Идарәче компания башлыгы хокук бозуда гаепле дип табылды. Аңа 51 мең сум күләмендә штраф билгеләнде. 3 ай эчендә директор 201 мең сум түләде.

ТР ДТИ матбугат хезмәте