Газ хезмәткәрләренә каршылык күрсәткән өчен биш мең сум
Әлмәт шәһәрендә яшәүче бер кеше газ хезмәте хезмәткәрләрен 3 ай фатирга кертмәгән. Алар елга бер тапкыр җиһазларга техник хезмәт күрсәтергә тиеш. Ләкин Сөләйманова урамындагы 22а йортының бер фатирында яшәүче кеше аларны кертмәгән.
«Альметьевскгаз» ЭҖИ Татарстанның Торак инспекциясенә җиһазларны карау мөмкинлеген күрсәтмәү турында материаллар җибәрде. Гадәттән тыш хәл очрагында килешү шартларын үтәмәгән һәм законны игътибарсыз калдырган кешене гаепле дип таныйлар. Хезмәт күрсәтүче тырышып караган, кулында фатирга кертмәү турында берничә акт бар.
Административ хокук бозу турындагы эшне караганда, гражданин Х. хокук бозу фактын таныды, аңлау һәм гафу итү турында сорады. Аның карамагында балигъ булмаган бала бар. Ә инде эшне карару вакытына техник хезмәт күрсәтү гамәлгә ашырылган. Шуңа да карамастан, тәртип бозучыга карата штраф билгеләнде. Иң азы – 5 мең сум.
Исегезгә төшерәбез, быел Административ хокук бозулар турында РФ кодексның «Йорт эчендәге һәм фатир эчендәге газ җиһазларын куркынычсыз файдалануны һәм карап тотуны тәэмин итү кагыйдәләрен бозу» 9.23 ст. төзәтмәләр үз көченә керде. Газ плитәләренә, котелларга һәм счетчикларга хезмәт күрсәтүгә шартнамә төземәгән өчен, газ хезмәткәрен фатирга кертмәгән өчен, газ җиһазларын мәҗбүри алмаштырудан баш тарткан өчен штрафлар 5 тапкырга артты һәм махсус оешманы җәлеп итмичә генә алмаштырган өчен шундый ук штрафлар кертелде.
Махсуслаштырылган оешма вәкилен кертүдән баш тарту гражданнар өчен 5-10 мең сум күләмендә штраф каралган. Кабат шундый очрак кабатланса – 15-20 мең сум.
Әгәр хокук бозуларның теләсә кайсысы – шартнамә төземәү, кертмәү, җиһазларны алмаштыру/алмаштырмау – авариягә яки кешеләрнең гомеренә яки сәламәтлегенә зыян китерү куркынычы тудырса, гражданнар өчен штраф 50-100 мең сумга кадәр артты.
Үзегезне һәм якыннарыгызны саклагыз!
ТР ДТИ матбугат хезмәте