Газ чыгу һәм исле газ белән агулану: республикада чираттагы гадәттән тыш хәлләр
Бүген 01:35 сәгатьтә «Бугульмагаз» ЭҖИ диспетчерына шалтыратып, исле газ белән агулану очрагы турында хәбәр ителә. Зыян күрүчеләрне – 1978 елгы ир-ат белән 2011 елгы баланы хастаханәгә салганнар. Гадәттән тыш хәл Бөгелмә шәһәренең Гафиятуллин урамындагы 24 нче йортта булган.
Фатирда газ плитәсеннән тыш, су җылыту колонкасы урнаштырылган. Соңгы техник хезмәт күрсәтү 2024 елның 14 февралендә үткәрелгән. Һәлакәттән соң тикшерү вакытында газ хезмәткәрләре ябык һәм ачык тәрәзәләрдә тарту көче барлыгын, тарту көче датчигы эшли башлавын, газ чыкмавын ачыклаганнар. Агулану сәбәпләре ачыклана. Газ колонкасы металл заглушка ярдәмендә ябып куелган.
Икенче очрак Әлмәттә булган. Кичә кич Герцен урамындагы 90 нчы йортта яшәүчеләр газ чыгуы турында хәбәр иткәннәр. Авария хезмәте кичекмәстән урынга килә һәм 4 нче подъздны зәңгәр ягулыктан чикли. Газ чыгуның сәбәбе – стояк өстендә эретеп ябыштырылган кушылманың герметик булмавы.
Ремонт ясала, подъездның барлык фатирларында җиһазларны тикшергәннән соң, газ белән тәэмин итүне торгызачаклар.
ТР ДТИ матбугат хезмәте