Өч муниципалитет Россия Төзелеш министрлыгы йөкләмәләрен игътибарсыз калдыра
Республика йортларының яртысында диярлек әзерлек паспортлары юк – мондый нәтиҗәне торак-коммуналь хуҗалыкның дәүләт мәгълүмат системасы нигезендә ясарга мөмкин. Өч муниципалитет: Казан (5971), Лаеш (268) һәм Актаныш (77) районнары бер генә йортны да системага кертмәгән.
Россия Төзелеш министрлыгының 79/ПР боерыгы нигезендә, торак-коммуналь хуҗалык системасында муниципалитетлар паспортны алганнан соң 15 көннән дә соңга калмыйча урнаштырырга тиеш. Җылыту сезоны башлануга ике айдан артык вакыт узды.
ТКХ системасына 9384 йортның, ә республикада 18100 күп фатирлы йортның документлары кертелгән. Лидерлар Әлки, Апас, Әтнә, Чүпрәле, Кукмара, Мөслим, Балык Бистәсе районнары – биредә барлык йортлар буенча мәгълүмат урнаштырылган.
Түбән Кама (1018 йорттан 199), Питрәч (524 йорттан 54), Зәй (220 йорттан 6) районнары артта кала.
ТР ДТИ матбугат хезмәте