Анда мәгълүмат күләме бик зур: Александр Тыгин йортлар буенча өлкәннәрне торак-коммуналь хуҗалык системасында теркәлергә чакырды
ТР ДТИ башлыгы Александр Тыгин «Татар-информ» мәгълүмат агентлыгында узган матбугат конференциясендә йортлар буенча өлкәннәргә Торак-коммуналь хуҗалык дәүләт мәгълүмат системасында теркәлергә чакырды.
Торак-коммуналь хуҗалык дәүләт мәгълүмат системас сезнең йорт буенча өлкән икәнегезне күргәч, сезгә бик зур күләмдәге мәгълүматларга юл ачылачак, – дип билгеләп үтте чыгыш ясаучы. – Сезгә зур вәкаләтләр бирәчәкләр – судта чыгыш ясарга, документларга кул куярга. Әгәр дә йорт буенча өлкән кеше – актив яшәүче икән, бәхәстә аның позициясе һәрвакыт зур әһәмияткә ия булачак. Чөнки ДТИнең бер генә инспекторы да – яшәүчеләрнең мәнфәгатьләрен яклауда мотивация дәрәҗәсе буенча йорт буенча өлкән кеше белән чагыштырырлык түгел. Без мондый гражданнар белән эшлибез һәм нәтиҗәне күрәбез».
Баш торак инспекторы сүзләренә караганда, йорт буенча өлкән кеше төзелеш мәсьәләләрендә компетентлы булырга тиеш түгел, әмма һичшиксез төпле булырга һәм күп сораулар бирергә тиеш.