Кире кактылармы? 50 мең штраф
Татарстанның Торак инспекциясенә Тельман урамындагы 47 нче номерлы йортта яшәүчедән шикаять килде. Ир-ат компания җитәкчесе янына шәхси кабул итүгә эләгү өчен идарәче компания офисына килгән. Ләкин аны кертмәгәннәр, кабул итүгә инде 6 кешенең теркәлүе, һәм язылуның бүтән алып барылмавы турында аңлаталар. Ир-ат шулай да язылмыйча да кабул итүгә эләгергә өметләнгән, ләкин аны тыңламаганнар. Әлмәт кешесе хезмәткәр белән әңгәмәне телефон камерасына яздырган, видеоны шикаять белән бергә Торак инспекциясенә җибәрде.
416 нчы кагыйдәнең 30 нчы пункты нигезендә, кабул итүгә язылу турыдан-туры идарә итүче оешма вәкиллегендә, телефон аша яисә торак-коммуналь хуҗалык системасын кулланып башкарыла. Алдан язылмыйча кабул итү кабул итүгә язылган торак милекчеләрен һәм торактан файдаланучыларны кабул итеп бетергәч гамәлгә ашырыла.
Административ хокук бозу факты – күз алдында. Идарәче оешма директоры гаепле дип табылды, аңа штраф рәвешендә җәза билгеләнде.
ТР ДТИ матбугат хезмәте