КФЙ куркынычлар: күгәргән торбалар, подваллардагы сарайлар
Күпфатирлы йортларны тикшергәндә инспекторлар нинди гомуми бозу очракларын ачыклыйлар? Коррозия һәм подваллардагы агач сарайлар.
Газ, су һәм җылылык белән тәэмин итү системаларында коррозия һәм хәтта күгәрек тә ачыклана. Торба коррозия стадиясендә булганда, аны әле коткарып калырга мөмкин һәм кирәк тә. Ләкин күгәрек барлыкка килү белән, торбада ярылу куркынычы барлыкка килә. Газүткәргечнең аз гына зарарлануы газның герметиксызлануына һәм агып чыгуына китерергә мөмкин. Суүткәргечнең тутыгуы шулай ук торбаның ныклыгын киметәчәк, шулай ук ярыклар барлыкка килә, су башта тама, ә аннары агып чыга башлый. Барысы да шактый финанс югалтуларга китерә: кыйммәтле ремонт кирәк булып чыга.
Шуңа күрә идарәче оешмаларның бурычларыннан берсе – инженерлык челтәрләрен тиешенчә карап тоту. Коррозияне туктату өчен барысын да эшләргә кирәк.
Икенче еш бозу – подвалларны чүпләү, үз белдеге белән агач корылмалар төзү. Подвалларда кладовкалар корылган. Милекчеләр мәйданны бүлешеп, өстәмә саклау урыннары булдырганнар.
Торак инспекциясе искәртә: подвалларда янучан, тиз янучан, шулай ук шартлау куркынычы булган матдәләр һәм материалларны саклау катгый тыела. Подвал – йортның нигез өлеше. Подвалдагы янгынның нәрсә белән куркыныч булуын аңлатырга кирәкме?
ТР ДТИ матбугат хезмәте