18 муниципалитет Россия Төзелеш министрлыгы йөкләмәләрен санга сукмый
Республиканың 11000нән артык йортында әзерлек паспорты юк - мондый нәтиҗәне торак-коммуналь хуҗалык системасына (Торак-коммуналь хуҗалыкның дәүләт мәгълүмат системасы) нигезләнеп ясарга мөмкин. Россия Төзелеш Министрлыгының 79/ПР номерлы боерыгы нигезендә, бу системада муниципалитетлар паспортны алганнан соң 15 көннән дә соңга калмыйча белешмә урнаштырырга тиеш.
Республиканың барлык муниципалитетлары да моны эшләмәгән, әмма 18е аеруча аерылып тора - бер генә күпфатирлы йортны да кертмәгән. Алар арасында Казан, Актаныш, Биектау, Зеленодольск, Лаеш, Питрәч, Тукай һәм башка районнар бар.
Торак-коммуналь хуҗалык системасына 7060 йортның, ә республикада 18000нән артык күпфатирлы йортның документлары кертелгән. Иң яхшы күрсәткеч Чаллыда - 1490 йортның җылыту чорына әзерлек паспорты кертелгән. Әлмәттә - 1033 йорт, Бөгелмәдә - 860.
ТР ДТИ матбугат хезмәте