Фаҗигале яллар
Республиканың берьюлы ике шәһәрендә: Казанда һәм Нурлатта газ белән тәэмин итү өзелгән. Ике очрак та – фаҗигале.
Республика башкаласының Ленинград урамындагы 32 а йортында фатир янган. 1953 елгы ир-ат мәете табылган. Фатирда газ җиһазлары: плитә һәм колонка. Техник тикшерү мартта үткәрелгән, җиһазлар төзек хәлдә булган. Янгынның беренчел сәбәбе – тәмәке тарту. Ләкин бирегә "зәңгәр ягулык" китерү туктатылган.
Нурлат шәһәрендә Энгельс урамындагы 33 нче шәхси йортны газдан өзгәннәр. Йортта ир-ат яшәгән. Ялларда кыз туганы килеп киткән. Ул аны аңсыз килеш тапкан. Аның сүзләренә караганда, йортта газ исе килгән: газ плитәсе конфоркасы кабызылган булган. Ялгышмы яки очраклы рәвештәме – җавап бирүче инде юк. Ир-ат реанимациядә җан биргән. Беренчел сәбәбе – газ белән агулану. Тикшерү эшләре алып барыла.
Торак инспекциясе кисәтә – көнкүреш газы белән сак булыгыз, газ приборларын имин эксплуатацияләү буенча барлык таләпләрне үтәгез, һәм бер-берегезне саклагыз.
ТР ДТИ матбугат хезмәте