Фатирга кертмәгән, газсыз калган
Республика башкаласында йортка техник хезмәт күрсәтү вакытында яңадан газны сүндергәннәр. «Казаньгоргаз» хезмәткәрләре Декабристлар урамы буенча 181нче йортның беренче подъездында газүткәргеч, плитә һәм колонкаларны караганнар. Фатирларның берсенә газчыларны кертмәгәннәр.
Зәңгәр ягулыктан өзеп, шундук 4 фатирны тәэмин итә торган стоякны ябып куйганнар. Өч фатир милекчесе газчыларны керткән, аларның җиһазлары тәртиптә, шуңа күрә алар өчен газ белән тәэмин итү торгызылган. Фатирчылар яши торган күрше фатирда кайнар су белгечләр җиһазларның куркынычсызлыгына инангач кына барлыкка киләчәк.
Исегезгә төшерәбез, әгәр фатир милекчесе газ җиһазларын тикшерергә мөмкинлек бирмәсә, Инспекция милекчене административ җаваплылыкка тартачак. Гади гражданнар өчен штраф 5-10 мең сум тәшкил итә. Әгәр кагыйдә бозу авариягә яки кешеләрнең гомеренә яки сәламәтлегенә зыян китерү куркынычын тудырса, шулай ук кабат башкарылса, гражданнарга 150 мең сумга кадәр штраф салына.
ТР ДТИ матбугат хезмәте