«Берничә ел сулый алмыйбыз»: Зеленодольскида яшәүчеләр Инспекциягә яздылар
Зеленодольск халкы Татарстан Торак инспекциясенә ярдәм сорап мөрәҗәгать иттеләр. Аларның Энгельс урамындагы 5 нче йортының подвалын даими рәвештә берничә ел су баса. Канализация исен хәтта югары катларда яшәүчеләр дә сулый. Тагын бер проблема – инженерлык челтәрләренең авария хәлендә булуы.
Үзәк инспекторлык бүлеге хезмәткәрләре мөрәҗәгать буенча урынга чыктылар. Торучылар белән очраштык, подвалны тикшердек. Фактлар расланды.
«Канализациядән тын бетә, бөтен подвал пычракка баткан! Идарәче компания сез килер алдыннан подвалны ком белән күмеп куйды. Менә шулай алар проблеманы хәл иттеләр!» - дип хәбәр итте алар.
Ком ярдәм итмәгән: су басу эзләре сакланган. Ә йорт янындагы коега караганда, бу йортны еш кына су басачак – агынтыларга агып чыгар урын юк.
«Терәктәге кое ләмләнгән, аны чистартырга кирәк. Водоканалга мәҗбүри таләпләрне бозуга юл куймау турында кисәтү биреләчәк. «Жилкомплекс» ҖЧҖ идарәче компаниясе директорына күрсәтмә бирелде. Күп дигәндә бер ай эчендә барлык хокук бозулар бетерелергә тиеш», – диде йортта яшәүчеләргә ҮИБ җитәкчесе Марсель Низаметдинов.
Эшләр үтәлеше Инспекция контролендә: су каналы оешмасы – коеларны, ИК подвалны чистартырга һәм ремонт ясарга тиеш. Бүгенге көндә йорт җылыту сезонына әзер түгел.
ТР ДТИ матбугат хезмәте