Татарстанда җылылык җибәрүгә әзерлек
Республика әле җылыту чорына тулысынча әзер түгел. Үзәкләштерелгән җылылык белән тәэмин ителгән йортларның әзерлеге 99,55% дәрәҗәсендә. Артта калучылар арасында Казан, Әлмәт, Бөгелмә, Зәй, Зеленодольск, Түбән Кама, Питрәч һәм Чистай районнары бар. 56 күпфатирлы йорт әзерлек паспортын алмаган.
Индивидуаль җылылык белән тәэмин ителгән йортлар 99,84% дәрәҗәсендә әзер. Артта калучылар арасында Чаллы, Мамадыш, Минзәлә һәм Чистай районнары бар. 9 йорт әзерлек паспортын алмаган.
Торак инспекциясе искәртә: йортның әзерлек паспорты булу-булмавын ТКХ ДМС аша тикшерергә була. Әгәр паспорт системада урнаштырылган, ләкин сезнең йортыгызда тәрәзәләр ватылган, подвалны су баса яки чүп-чар белән тулган, чорма ачык, тышкы ишек ябылмый икән – Инспекциягә хәбәр итегез.
Күпфатирлы йортны җылыту чорына тиешенчә әзерләмәгән өчен административ җаваплылык каралган: рәис өчен – 4 меңнән 5 мең сумга кадәр, торак милекчеләре ширкәтенә – 40 меңнән 50 мең сумга кадәр штраф. Идарәче оешма йортны әзерләп өлгермәсә: вазыйфаи затка штраф – 50-100 мең сум, юридик затка – 250-300 мең сум.
ТР ДТИ матбугат хезмәте