Бер көн эчендә 5 муниципалитетта капремонт буенча хокук бозулар ачыкланды
Бер көн эчендә Татарстан торак инспекциясе хезмәткәрләре Әлмәт, Зеленодольск, Түбән Кама, Тукай, Менделеевск районнары һәм Чаллы шәһәрендә йортларны тикшерделәр.
Тикшерү барышында эш графигыннан артта калу фактлары расланды, капиталь ремонт эшләрен оештыруда, эшләрнең сыйфатын бозу очраклары ачыкланды:
- объектларда куркынычсызлык техникасы буенча эшләр башкару һәм инструктаж журналлары юк,
- объектларда эшчеләр индивидуаль саклану чараларыннан, пояслардан һәм каскалардан башка эшлиләр, тиешле төзелеш баскычларында такта түшәмәләре тоташ түгел.
Капиталь ремонт проектларына да искәрмәләр бар. Мисал өчен, вентиляция каналларын тулысынча алмаштыру планлаштырылмаган.
Автокалада инспекторлар Муса Җәлил урамындагы 82 нче йортның түбәсен вакытында төзекләндерә алмаячаклар дигән шик тудырды: эшләр 26 августта гына башланган.
Зеленодольск районында түбә материалын начар ябыштырганнар.
Түбән Кама районында 30 йортта графиктан калышу күзәтелә: 20 йортның фасады ремонтлана, 12 йортның түбәсе (ике йортның түбәсе дә, фасады да). Ике адрес буенча (Химиклар ур., 12б һәм Вахитов ур., 27а) стяжка сыйфатсыз эшләнгән. Монда инспекторлар ике эшчене очраттылар, алар көрәкләре белән стяжка эремәсен кул белән болгата иде. Алардан эремә әзерләү өчен нинди пропорцияләр кирәклеге белән кызыксындылар. Җавап алынмады. Ул арада түбәдә парапетларны, вентканал шахталарында чит әйберләрне начар ремонтлаганнар, кайберләренә әйберләрне һәм төзелеш материалларын салганнар.
Менделеевск районының Татар Чаллысы авылында Җиңү урамындагы 2 нче йорт янында нигезен төзекләндерергә тиешләр. Ләкин подрядчы әлегә кадәр эшкә керешмәгән. Моннан тыш, махсус оешманың проект карары һәм бәяләмәсе юк.
ТР ДТИ матбугат хезмәте