50 мең сум штраф

2024 елның 19 августы, дүшәмбе

         Бөгелмә районара инспекциясенә Калинин урамындагы 32 нче йортта яшәүче хатын мөрәҗәгать итте. Ул идарәче компания директорының гамәл кылмавына һәм 4 ай дәвамында түбәне төзекләндермәүләренә зарланды.

    Инспектор планнан тыш инспекция визиты уздырды. Шикаятьтә бәян ителгән фактлар расланды: түбә өслеге деформацияләнгән, шуның аркасында фатирны һәм 5 каттагы баскыч мәйданчыгын су баскан.

    Тикшерү нәтиҗәсендә «Таң» ИК ҖЧҖ идарәче компаниясенең вазыйфаи заты Административ хокук бозулар турында РФ кодексының 14.1.3 ст. 2 өлеше буенча административ җаваплылыкка тартылды һәм 50 мең сум күләмендә штраф салынды. Идарәче компаниягә хокук бозуларны бетерү турында күрсәтмә бирелде.

    ТР ДТИ матбугат хезмәте