Хокук бозуларны бетергәнче туктатып торырга
Татарстанның Торак инспекциясе күрсәтмә чыгарды һәм түбәгә капиталь ремонт ясауны туктатты. Сәбәбе: хокук бозулар аркасында өске каттагы фатирларны су баскан.
Инспекциягә Декабристлар урамындагы 156 нчы йорт милекчеләреннән
мөрәҗәгать килде. Казанлылар түшәмнән ага торган шарлавыкларга зарлана, ә фатирларның берсендә тарттырылган түшәм ишелгән.
Йортның түбәсенә капиталь ремонт эшләре графиктан артта калып бара, эш бары тик 30% гына башкарылган. Моннан тыш, подрядчы хата җибәргән, шуның аркасында өске катны су баскан: полиэтилен җәелдергәннәр, ул яңгырлар басымына чыдый алмаган.
Инспекция хезмәткәрләре түбәләрне һәм фатирларны тикшерде. Заказ бирүчегә, «Торак-коммуналь хуҗалык фонды» АКО кисәтү белдерелде, ремонт эшләре әлеге бозулар бетерелгәнче туктатылды. Ягъни түбәләрнең бер өлешендәге тишекләрне ямаганчы, икенчесенә керешә алмаячаклар.
ТР ДТИ матбугат хезмәте