Торак инспекциясе Казан милекчеләренең хокукларын яклады
Совет район суды залында яңгыраган карар Татарстан Торак инспекциясе һәм «Паруса» күчемсез мөлкәт милекчеләренең башкала ширкәте арасындагы бәхәстә нокта куйды.
Инспекция Гадел Кутуй урамы буенча 110 Д номерлы йортның 2 корпусында ширкәтне бетерү турында дәгъва белдерде: ул законсыз оештырылган, әмма түләү кәгазьләрен таратуны дәвам иткән. Әлеге ширкәт җитәкчелегенә шикаятьләр агымы килә, элеккеге ИК һәм «Паруса» ширкәте арасындагы низаг озакка сузыла.
Дәлилләрне тыңлап, суд инспекция файдасына әлеге ширкәтне бетерү турында карар кабул итте, аны оештырганда хокук бозуларга юл куелган.
ТР ДТИ матбугат хезмәте