Башкарма комитетка һәм заказчыга хокук бозуларны бетерү кирәклеге турында хатлар җибәрелде
Бер атна эчендә Татарстан Торак инспекциясе хезмәткәрләре Әлмәт шәһәренең биш күпфатирлы йортын капиталь ремонтлау барышында хокук бозуларны ачыкладылар.
6 йортны капиталь ремонтлау барышында ачыкланган бозулар:
Куркынычсызлык техникасы буенча бозулар Заслонов урамы, 10 йорт, Больничная урамы, 6 йорт, Радищев урамы, 55А йорт, Шевченко урамы, 80 йорт, Гафиатуллин урамы, 13а йорт адресы буенча теркәлгән. Монда төзелеш баскычлары тотрыксыз, такталар түшәме тоташ түгел.
Шевченко урамы, 80 йорт, Гафиятуллин урамы, 13а йорт мәйданчыкларында махсус урын булмау сәбәпле, санкцияләнмәгән төзелеш чүплеге бар.
Больничная урамындагы 6 нчы йортның, М.Җәлил урамындагы 13 нче йортның, Гафиятуллин урамындагы 13а номерлы йортның фасады начар буялган.
Радищев урамындагы 55 а йортында керү төркемнәре сыйфатсыз буялган, Заслонов урамындагы 10 нчы йортта 2 һәм 3 подъездларның ишек уемнарында буш урыннар томаланмаган.
Капиталь ремонт башланганнан бирле Торак инспекциясе тарафыннан барлыгы 748 күпфатирлы йорт тикшерелде.
Башкарма комитетка һәм заказчыга хокук бозуларны бетерү кирәклеге турында хатлар җибәрелде.
ТР ДТИ матбугат хезмәте