«Нефтче» торак милекчеләре ширкәте рәисе административ җаваплылыкка тартылды

2024 елның 14 июне, җомга

   Бөгелмә шәһәрендә яшәүче Татарстан Торак инспекциясенә торак йортлар белән идарә итүчеләрнең гамәл кылмавына карата шикаять белән мөрәҗәгать итте: Ленин урамындагы 142 нче йортның кайнар су температурасы нормативка туры килми.

  Тикшерү барышында факт расланды: кайнар суның уртача температурасы 40 һәм 50 градус тәшкил итә иде, бу исә билгеләнгән нормаларга туры килми. ТМШ вазыйфаи заты административ җаваплылыкка тартылды, идарәче компаниягә хокук бозуны бетерү буенча күрсәтмә бирелде.

ТР ДТИ матбугат хезмәте