Лениногорск муниципаль районында күпфатирлы йортларның гомуми мөлкәтен капиталь ремонтлау программасы турында
Татарстан Республикасы территориясендә урнашкан күпфатирлы йортларның (алга таба – КФЙ) гомуми мөлкәтен капиталь ремонтлауның төбәк программасының кыска сроклы планына ярашлы рәвештә, 2023 елда Лениногорск муниципаль районында 21 күпфатирлы йортта гомуми суммасы 143221,553 мең сумлык 75 эш төре буенча капиталь ремонт үткәрү планлаштырыла.
Барлык күпфатирлы йортлар буенча эшләрне башкару кирәклеген раслаучы фотоматериаллар «Татарстан Республикасы торак фонды мониторингы» дәүләт мәгълүмат системасына кертелгән, барлык эш төрләре буенча җитешсезлек исемлекләре Инспекция тарафыннан килештерелде, субподряд шартнамәләре Бөгелмә районара торак инспекциясе (алга таба – БРТИ) тарафыннан теркәлде.
КФЙ ягып җылыту сезонына әзерләү белән бәйле сезонлы характердагы эшләр планлаштырылган: 7 КФЙ буенча – җылылык белән тәэмин итү системасын алыштыру, 13 КФЙ буенча – түбә ремонтлау, 11 КФЙ буенча – фасадны ремонтлау, 1 КФЙ буенча фасадны җылыту, барлык эшләр тәмамланган. Калган эш төрләренең тәмамлану вакыты – 01.10.2023.
БРТИ тарафыннан эшләрнең сыйфатын һәм башкарылу вакытын, куркынычсызлык техникасын үтәүне контрольдә тоту буенча 76 тикшерү үткәрелде, 138775,359 мең сумлык КС-2 формасы буенча башкарылган эшләр турында 87 акт кабул ителде, бу ТМС лимитының 97 процентын тәшкил итә.
Капиталь ремонт 17 КФЙ буенча тәмамланган, БРТИ тарафыннан 10 КФЙ файдалануга кертү актлары имзаланды