Гариза бирүченең мөрәҗәгатен карау буенча күрелгән чаралар турында

Түбән Кама районара торак инспекциясе тарафыннан Түбән Кама шәһәренең Чулман урамындагы 11 нче йорт фатирының стена панелендә барлыкка килгән ярыкка карата мөрәҗәгать каралды. Мөрәҗәгать итүче фикеренчә, әлеге ярык күпфатирлы йортта терәк конструкцияләрнең тотып тору сәләтен җуюга китерә ала.

Тикшерүләр барышында фатирның йокы бүлмәсе стена панелендә микроҗимерек урын булуы ачыкланды. Микроҗимерү урынында урыны-урыны белән обойлар купкан.

Түбән Кама РТИ тарафыннан кертелгән «ПЖКХ-17» ИК ҖЧҖ идарәче компаниясенә карата үткәрелгән тикшерү нәтиҗәләре буенча күпфатирлы йортның гомуми милкен карап тоту өлешендә норматив документларның мәҗбүри таләпләрен бозуга юл куймау турында кисәтү буенча, ярыкта гипс маяклар урнаштырылган, аларның торышына күзәтчелек оештырылган. Билгеле бер вакыт узгач, махсус оешманы җәлеп итеп, стена панеленең техник торышы тикшерелде.

 Эксперт бәяләмәсе буенча, барлыкка килгән ярык күпфатирлы йортны алга таба эксплуатацияләү өчен куркыныч тудырмый.

 Әлеге тәкъдимнәр буенча идарәче компания стена панелен ремонтлаган, ярыкны япкан һәм бизәк катламын торгызган, бу гариза бирүче имзасы белән тикшерү акты белән раслана.