Профилактик чаралар үткәрү турында

«Россия Федерациясендә дәүләт контроле (күзәтчелеге) һәм муниципаль контроль турында» 2020 елның 31 июлендәге 248-ФЗ номерлы федераль законның 44 статьясы нигезендә, Россия Федерациясе Хөкүмәтенең «Закон белән саклана торган кыйммәтләргә зыян китерү (зыян салу) куркынычларын профилактикалау программасын контроль (күзәтчелек) органнары тарафыннан эшләү һәм раслау кагыйдәләрен раслау хакында» 2021 елның 25 июнендәге 990 номерлы карары нигезендә ТР Дәүләт торак инспекциясенең 2022 елның 8 декабрендәге боерыклары белән ТР ДТИ тарафыннан 2023 елга төбәк дәүләт торак контроле (күзәтчелеге) һәм күпфатирлы йортлар белән идарә итү буенча эшкуарлык эшчәнлеген гамәлгә ашыруга лицензия контроле вәкаләтләрен гамәлгә ашырганда закон белән саклана торган кыйммәтләргә зыян китерү (зыян салу) куркынычларын профилактикалау программалары расланды (алга таба – Профилактика программалары).   

Күрсәтелгән профилактика программаларын үтәү өчен Чистай РТИ тарафыннан  елның үтеп киткән чорында түбәндәге профилактика чаралары үткәрелде:

- мәҗбүри таләпләрне бозуга юл куймау турында 105 кисәтү бирелде;

- контрольдә тотылган затларга мәҗбүри таләпләрне үтәү мәсьәләләре буенча 9 консультация үткәрелде;

- «Россия Федерациясендә дәүләт контроле (күзәтчелеге) һәм муниципаль контроль турында» 31.07.2020 № 248-ФЗ федераль закон нигезендә контроль (күзәтчелек) органы карарларына, аның вазыйфаи затларының гамәлләренә (гамәл кылмавына) карата судка кадәр шикаять бирү» темасына идарәче оешмалар белән киңәшмә үткәрелде;

- 2 планлаштырылган (мәҗбүри) профилактик визит үткәрелде, алар барышында контрольдә тотылган затлар белән профилактик әңгәмәләр үткәрелде.

Шулай ук Чистай РТИ тарафыннан гражданнарны һәм контрольдә тотылган затларны мәгълүматлаштыру максатларында ТР ДТИ рәсми сайтында һәм ТР ДТИ социаль челтәрләре битләрендә даими рәвештә кирәкле мәгълүматлар бирелә.