Гражданнар мөрәҗәгатен карау турында
Бөгелмә районара торак инспекциясе тарафыннан Бөгелмә шәһәренең Нефтьчеләр урамындагы 22 нче номерлы күпфатирлы йортта яшәүчеләрнең йортның гомуми милкен тиешенчә тотмау турындагы мөрәҗәгате каралды.
Инспекция визиты кысаларында үткәрелгән контроль-күзәтчелек чарасында мөрәҗәгать итүченең мөрәҗәгатендә язылган фактлар расланды, подвал бинасын канализация сулары белән су басуы ачыкланды.
Үткәрелгән тикшерү нәтиҗәләре буенча «Уют-4» ИК ҖЧҖ идарәче компаниясенең вазыйфаи заты Инспекция тарафыннан Административ хокук бозулар турында РФ кодексының «Күпфатирлы йортлар белән идарә итү эшчәнлеген лицензия таләпләрен бозып гамәлгә ашыру» дигән 14.1.3 статьясының 2 өлеше буенча административ җаваплылыкка тартылды.
«Уют-4» ҖЧҖ билгеләнгән тәртиптә подвал бинасын су басу сәбәпләрен бетерү һәм киптерү буенча чаралар күрергә кушылды.
Күрсәтелгән эшләрнең үтәлеше инспекция тарафыннан контрольгә алынды.