Энергияне сак тоту һәм энергетика нәтиҗәлелеге турындагы закон таләпләрен бозган өчен Административ хокук бозулар турында РФ кодексының 9.16 ст. 4 өлеше буенча җаваплылыкка тарту хакында

Чистай ЗТИ инспекторы тарафыннан «Коммунальник» ҖЧҖ карата уздырылган планнан тыш күчмә тикшерү нәтиҗәсендә Нурлат шәһәренең Җиңүгә 50 ел урамы буенча 3 номерлы күпфатирлы торак йортны карау нәтиҗәсендә «Энергияне сак тоту һәм энергетика нәтиҗәлелеген арттыру һәм Россия Федерациясенең аерым закон актларына үзгәрешләр кертү турында» 23.11.2009 ел, № 261-ФЗ Федераль законны бозу очрагы ачыкланды, аерым алганда: күпфатирлы торак йорт җылылык энергиясен исәпкә алу буенча гомумйорт приборы белән җиһазландырылмаган.

Тикшерү нәтиҗәләре буенча «Коммунальник» ҖЧҖ директорына карата Административ хокук бозулар турында РФ кодексының 9.16 ст. 4 өлеше  буенча административ хокук бозу турында беркетмә төзелде.

ЧЗТИ башлыгы карары белән «Коммунальник» ҖЧҖ директоры гаепле дип табылды һәм Административ хокук бозулар турында РФ кодексының 9.16 ст. 4 өлеше  буенча 5 000 сум штраф рәвешендә административ җаваплылыкка тартылды. 

Җитешсезлекләрне бетерү өчен «Коммунальник» ҖЧҖ адресына күрсәтмә бирелде, аның үтәлеше – инспекция контролендә.