Күпфатирлы йортларда гомуми милекне капиталь ремонтлау программаларын формалаштыру турында
2021 елга күпфатирлы йортларның гомуми милеген капиталь ремонтлау буенча кыска сроклы программаны тормышка ашыру кысаларында Түбән Кама зонасы торак инспекциясе тарафыннан инспекцияләнә торган Зәй муниципаль районында – 68 күпфатирлы йортта, Түбән Кама муниципаль районында – 98 күпфатирлы йортта, Яңа Чишмә муниципаль районында 2 күпфатирлы йортта гомуми милекне капиталь ремонтлау планлаштырылган.
Капиталь ремонт программасына кертелгән барлык йортлар да инспекция тарафыннан тикшерелде. Барлык күпфатирлы йортлар буенча эшләрне башкару кирәклеген раслаучы фотоматериаллар «Татарстан Республикасы торак фонды мониторингы» дәүләт мәгълүмат системасына кертелгән, барлык эш төрләре буенча җитешсезлек исемлекләре инспекция тарафыннан килештерелде.
16 күпфатирлы йортта түбә, фасад, подъездларда кабель хуҗалыгының тәртипкә салынмаган урыннары булуы ачыкланды. Барлык бозулар да теркәлгән, аларны бетерү инспекция тарафыннан контрольгә алынды.