Әгерҗе муниципаль районында 2020 елгы капиталь ремонт
Әгерҗе муниципаль районында 2020 елгы капиталь ремонт программасына 12 күпфатирлы йорт кертелгән.
Күпфатирлы йортларда гомуми милекне капиталь ремонтлау буенча эшләр, Алабуга ЗТИ тарафыннан теркәлгән килешүләр нигезендә, «Строй-Гигант» ҖЧҖ субподрядчы оешмалары тарафыннан башкарыла.
Күпфатирлы йортларда түбәне, фасадны, шулай ук җылылык белән тәэмин итү, салкын һәм кайнар су белән тәэмин итү, ташландык суларны агызу, электр белән тәэмин итү буенча гомумйорт инженерлык системаларын капиталь ремонтлау эшләре башкарылачак.
Әгерҗе муниципаль районы буенча 2020 елгы капиталь ремонт программасына кертелгән барлык йортлар да Алабуга ЗТИ тарафыннан тикшерелде. Эшләр башкарганда куркынычсызлык техникасы таләпләрен бозу очраклары ачыкланмады, әмма ике күпфатирлы йортта фасадны капиталь ремонтлау буенча эшләрнең сыйфаты бозылу очрагы ачыкланды.
Ачыкланган бозулар буенча техник заказчы – Әгерҗе муниципаль районы башкарма комитеты адресына кисәтүләр бирелде.
Хәзерге вакытта бер йорт буенча җитешсезлекләр бетерелгән, бу хакта Әгерҗе муниципаль районы башкарма комитеты тарафыннан инспекциягә тиешле хәбәр җибәрелде.
Бер кисәтү Алабуга ЗТИ контролендә кала.