Административ җаваплылыкка тарту турында

 Бөгелмә шәһәрендә күпфатирлы йортлар белән идарә итүче "Нефтяник" торак милекчеләре ширкәтенә уздырылган планлы тикшерү барышында гомуми мәйданы 13 202,5 кв. м булган 3 торак йорт тикшерелде, Россия Дәүләт төзелеш күзәтчелегенең 2003 елның 27 сентябрендәге 170 номерлы карары белән расланган Торак фондын техник эксплуатацияләү кагыйдәләре һәм нормалары бозылуның 15 очрагы ачыкланды, ә атап әйткәндә: торак йортларның периметры буенча йорт нигезенең өлешчә төзек булмавы, подъездларда цемент идәннәрнең җимереклеге, баскычларның металл корылмаларын буяуда билгеләнгән вакытларның бозылуы, подвал бүлмәләрендәге җылылык изоляциясенең өлешчә төзек булмавы, подвал бүлмәләрен чүпләү һәм пычрату, фасад газүткәргечендәге буяу катламының кубып төшүе, баскычларның, подъезд өстендәге әвеслекләрнең төзек булмавы кебек күренешләр булуы билгеләнде. "Нефтяник" торак милекчеләре ширкәтенә карата хокук бозулар өчен Административ хокук бозу турында РФ кодексының 7.22 ст. буенча, административ штраф салынып, беркетмә төзелде.

Ачыкланган җитешсезлекләрне бетерү өчен Татарстан Республикасы Бөгелмә зонасы торак инспекциясе тарафыннан "Нефтяник" торак милекчеләре ширкәте адресына 7 күрсәтмә бирелде, алар инспекция контролендә кала.