Мәгълүмат ачу турында.

Алабуга зонасы торак инспекциясе Менделеев районындагы Тихоново авылының Коммунистическая урамы буенча 10 нчы йортта яшәүченең торак-коммуналь хуҗалыкның дәүләт мәгълүмат системасында йорт белән идарә итү буенча мәгълүмат булмау турындагы мөрәҗәгатен карап тикшерде.

Карап тикшерү нәтиҗәләре буенча "Тихоново-Сервис" торак милекчеләре ширкәте рәисе Административ хокук бозулар турында Россия Федерациясе кодексының 19.5 ст. "Торак-коммуналь хуҗалык дәүләт мәгълүмат системасында мәгълүмат урнаштырмау, мәгълүматны тулы күләмдә урнаштырмау яки төгәл булмаган мәгълүмат урнаштыру" дигән 1 өлеше буенча, кисәтү чыгарылып һәм ачыкланган җитешсезлекләрне бетерү турында күрсәтмә бирелеп, инспекция тарафыннан административ җаваплылыкка тартылды.

Күрсәтмәнең үтәлешен тикшерү барышында ачыкланганча, "Тихоново-Сервис" торак милекчеләре ширкәте тарафыннан күпфатирлы йорт белән идарә итү эшчәнлеге турында мәгълүмат таләп ителгән күләмендә ачылмаган, әлеге хәл тикшерү актында теркәлде.

 Билгеләнгән срокта күрсәтмәне үтәмәгән өчен "Тихоново-Сервис" торак милекчеләре ширкәте  Административ хокук бозулар турында Россия Федерациясе кодексының 19.5 ст. "Дәүләт күзәтчелеген гамәлгә ашыручы органның закон бозылу очракларын бетерү турындагы законлы күрсәтмәсен билгеләнгән срокта үтәмәү" дигән 1 өлеше буенча, 10 мең сум күләмендә штраф салынып, Алабуга ЗТИ тарафыннан административ җаваплылыкка тартылды.

Хәзерге вакытта "Тихоново-Сервис" торак милекчеләре ширкәте тарафыннан Коммунистическая урамындагы 10 нчы йорт адресы буенча урнашкан  күпфатирлы йорт белән идарә итү эшчәнлеге турындагы мәгълүматның ТКХ ДМС сайтында урнаштырылуына кагылышлы мәсьәлә инспекция контролендә тора.