Энергетика нәтиҗәлелеге таләпләре үтәлешен тикшерү турында

Кайнар суны куллану буенча исәп-хисап йорттагы гомуми исәпләгеч күрсәткечләреннән чыгып исәпләнмәгән күпфатирлы йортлар турында "ТАТЭНЕРГО" АҖ алынган мәгълүмат буенча Түбән Кама зонасы торак инспекциясе тарафыннан "Жилтехсервис" ТКХ ИК ҖЧҖ (Түбән Кама ш.) идарәче компаниясенең законнардагы таләпләрнең үтәве-үтәмәве тикшерелде.

          Билгеләнгәнчә, Идарәче компания тарафыннан энергетика нәтиҗәлелеген арттыру, Вахитов пр. буенча 8/14, 7а һәм Гагарин урамы буенча 28 номерлы күпфатирлы йортларда кайнар су белән тәэмин итүне исәпкә алуның йорттагы гомуми исәпләгеч җайланмалары белән тәэмин итү буенча зарури таләпләр бозылган.

          Тикшерү нәтиҗәсендә "Жилтехсервис" ТКХ ИК ҖЧҖ Административ хокук бозулар турында Россия Федерациясе кодексының 9.16 ст. 4 өлеше ("Энергияне саклау турында һәм энергетика нәтиҗәлелеген арттыру турында законнарны бозу") нигезендә 20 мең сум күләмендә штраф салынып, административ җаваплылыкка тартылды.

          Түбән Кама ЗТИ күрсәтмәсе нигезендә җитешсезлек очраклары бетерелде, су белән тәэмин итүнең йорттагы гомуми исәпкә алу җайланмалары төзекләндерелгән һәм коммерция исәбенә куелган.