ТР Прокуратурасы белән килештереп уздырылган планлы тикшерү нәтиҗәләре буенча административ җаваплылыкка тарту турында
Лениногорск районында Иске Писмән ав. күпфатирлы йортлар белән идарә итүче "Уют" ТМШ карата уздырылган планлы тикшерү барышында Россия Дәүләт төзелеш агентлыгының 27.09.2003 № 170 карары белән расланган Торак фондын техник эксплуатацияләү кагыйдәләре һәм нормалары бозылу очраклары ачыкланды.
Ачыкланган җитешсезлекләр: торак йорт периметры буйлап нигез күперендәге төзексезлекләр; подъездларда урыны-урыны белән пыяла капланган урыннарның төзексезлеге, подъездларга керә торган ишекләрдәге җитешсезлекләр; подъездларны, йорт яны территорияләрен карап тотуның канәгатьләндерерлек булмавы; подвалларда чүп-чар булу.
Әлеге җитешсезлек очракларына юл куйган өчен "Уют" ТМШ рәисенә карата РФ КоАП 7.22 ст. буенча 2 беркетмә төзелде һәм ТР ДТИ башлыгы урынбасары карары нигезендә вазыйфаи зат 9000 сум күләмендә штраф рәвешендә административ җаваплылыкка тартылды.
"Уют" ТМШ адресына ачыкланган бозуларны бетерү буенча 8 күрсәтмә бирелде, аларның үтәлеше инспекция контролендә алынды.