2018 елның апрелендә Чистай ЗТИ инспекторлык эшчәнлеге турында мәгълүмат
2018 елның апрелендә Чистай ЗТИ тарафыннан юридик затларга карата планнан тыш урынга чыгып 32 тикшерү үткәрелде, аларның 7се – элек бирелгән күрсәтмәләрнең үтәлешен тикшерү буенча; 15 тикшерү ЧЗТИ гражданнардан кергән мөрәҗәгатьләргә бәйле, 10 тикшерү – прокуратура таләбе буенча. Шулай ук 2018 елның апрелендә, юридик затлар белән бәйләнешкә кермичә контрольлек чаралары уздыру кысаларында, Чистай ЗТИ тарафыннан идарәче оешмаларның күпфатирлы йортларның йорт яны территорияләрен чүп-чардан вакытында чистартып торуы буенча таләпләр үтәлеше предметына карата торак йортларны тикшерүләр уздырылды. Моннан тыш, Гражданнарны аварияле торак фондыннан күчерү программасы буенча төзелә торган һәм 2018 һәм 2019 елларга капиталь ремонт программасына кертелгән торак йортларга карата да тикшерүләр узды.
Уздырылган тикшерүләр барышында барлыгы гомуми мәйданы 489,53 мең квадрат метрлы 47 торак йорт тикшерелде; торак фондын техник эксплуатацияләү кагыйдәләре һәм нормалары бозылуның 89 очрагы ачыкланды, аларны бетерү өчен 53 күрсәтмә бирелде. Административ хокук бозулар турында 4 беркетмә (1 – РФ КоАП 19.5 ст. 1 өл. буенча, 1 – РФ КоАП 7.22 ст. 1 өл. буенча һәм 2 – РФ КоАП 9.23 ст. 2 өл. буенча) төзелде, РФ КоАП 9.23 ст. 2 өлеше буенча Нурлат шәһәре прокуратурасыннан 6 карар каралды. Гомуми 34000 сумлык штрафлар белдерелде.
2018 елның апрелендә Чистай ЗТИ гражданнардан 28 язмача мөрәҗәгать керде. Килгән мөрәҗәгатьләрнең 15е урынга чыгып тикшерелде, аларның 8е инспекция контрольлегенә алынды (күрсәтмәләр бирелде).
Шулай ук 2018 елның апрелендә, "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында"
26.12.2008 N 294-ФЗ Федераль закон нигезләмәләрен тормышка ашыру кысаларында, зарури таләпләр бозылу очрагы буенча 4 беренчел тикшерү; юридик затлар белән бәйләнешкә кермичә, 9 контрольлек чарасы уздырылды, законнардагы зарури таләпләрне бозуның ярамаганлыгы турында 5 кисәтү бирелде.
Идарәче оешмалардан алынган мәгълүматларга караганда, 2018 елның апрель аенда идарәче оешмалар тарафыннан Чистай ЗТИ күрсәтмәләре нигезендә 430 мең сумлык эшләр башкарылган.