ТР Арбитраж суды карары белән 2017 елның 16 ноябрендә шикаять таләпләре канәгатьләндерелмәде
"Жилсервис" ИК ҖЧҖ карата күпфатирлы йорт белән идарә итүне туктату турында белешмәләр урнаштыруны йөкләү шикаяте белән "Комсервис" ИК ҖЧҖ судка мөрәҗәгать итте.
Реестрда "Жилсервис" ИК ҖЧҖ оешмасының "Комсервис" ИК ҖЧҖ дәгъва белдерә торган күпфатирлы йортларга хезмәт күрсәтүче оешма булуы турында белешмәләр бар, күпфатирлы йортлар белән идарә итүнең башка идарәче оешмага, асылда "Комсервис" ИК ҖЧҖ тапшырылуы хакында нинди дә булса белешмәләр реестрга кертелмәгән. Лицензияләр реестрына тиешле үзгәрешләрне кертмичә эшчәнлек башкару законлы түгел. Моннан тыш, "Радужный" торак комплексында күпфатирлы йортлар белән "Жилсервис" ИК ҖЧҖ идарә итә.
РФ ТК 198 ст. 4 өлеше нигезендә лицензиат, билгеле бер күпфатирлы йорт белән идарә итү шартнамәсе төзелгәндә һәм рәсми сайтта мәгълүмат ачу өчен билгеләнгән таләпләрне үтәгән шартта, шулай ук дәүләт торак күзәтчелеге органы РФ субъектының лицензияләр реестрына лицензиат идарә иткән күпфатирлы йортлар исемлегендә үзгәрешләрне чагылдыра торган үзгәрешләрне керткәннән соң, шушы йорт белән идарә итү эшчәнлеген гамәлгә ашырырга хокуклы була.
Дәүләт торак инспекциясе, суд эшендә өченче зат сыйфатында катнашып, бәяләмә бирде, аның нигезендә суд карары чыгарылды.