ЯҢАЛЫКЛАР
Бүген җиденче чакырылыш Татарстан Дәүләт Советының чираттагы утырышында депутатлар республика Хөкүмәтенең 2025 елдагы эшенә йомгак ясадылар. Хисап белән Татарстан Премьер-министры Алексей Песошин чыгыш ясады.
Татарстанның Торак инспекциясе Казанда, Чаллыда һәм Питрәч районында күп фатирлы йортлар белән идарә итүгә дәгъва кылучы идарәче компанияләрнең гаризаларын карады. Әмма, карау нәтиҗәләре буенча, идарәче компанияләргә әлеге объектлар буенча лицензияләр реестрына кертүдән кире кагылды.
Әлмәттә Габдулла Тукай проспектындагы 42нче һәм Казанда Индустриаль урамындагы 9нчы йортларда яшәүчеләр күңелсез хәлгә юлыкканнар: газ булмау һәм, нәтиҗәдә, суны җылыта алмау. Сүндерүнең сәбәбе торучыларның үз гамәлләре булган.
ТМШ яки ИК яхшыракмы? Сайлау конкрет йортка: анда яшәүчеләргә, халәткә һәм башка шартларга бәйле. Төп аерма - ИКдә чит кешеләр эшли, ә ширкәттә - күршеләр генә.
Торак инспекторлары ике атна эчендә фатирларда законсыз үзгәртеп планлаштырулар өчен 14 милекчене административ җаваплылыкка тарткан. Иң күп үзгәртеп планлаштырулар Түбән Камада - 7, автоградта һәм республика башкаласында - 3әр һәм 1 - Әлмәттә.
Татарстанның Торак инспекциясе бөгелмәлеләрнең салкын кайнар суга карата шикаятьләре буенча тикшерүгә йомгак ясады. Вахитов урамындагы 11 нче йортта яшәүчеләр “Бөгелмә җылылык челтәрләре предприятиесе” АҖ белән кайнар су белән тәэмин итү турында турыдан-туры килешүләр төзегәннәр һәм температура режимын системалы рәвештә бозу белән очрашканнар.
Сезнең йортта электр щиткалары ачылганмы? Күпме вакыт? Срок та әһәмиятле. Әгәр бер ай икән, димәк, бу вакыт эчендә идарәче оешма хезмәткәрләре йортны тикшермәгән. Тикшергән очракта алар электр щиткаларын япкан булырлар иде.
Соңгы өч айда Татарстан халкы торак-коммуналь хуҗалык эшенә карата шикаятьләр белән Торак инспекциясенә ешрак мөрәҗәгать итә башлады. Мөрәҗәгатьләр саны 9 меңнән артып китте, бу узган елның шул ук чоры белән чагыштырганда 42,6% ка күбрәк. Бу күрсәткеч республика өчен яңа антирекорд булды.
Автоград идарәче компаниясе директоры республиканың иң “штрафка тартыла торган” директорлары рейтингын җитәкләргә омтылуында гаҗәеп ныклык күрсәтә. Югыйсә, аның бер көн эчендә 50 мең сум штраф рәвешендә өч тапкыр административ җаваплылыкка тартылуы фактын ничек аңлатырга. Узган ел директор 900 мең сумга якын акча түләгән. Һәм менә бер көндә - 150 мең. Бу темпта рекорд алты ай эчендә яңартылачак.
Татарстанның баш торак инспекторы Александр Тыгинга кабул итүгә Казан шәһәренең Короленко урамындагы 67 нче йортта яшәүче хатын-кыз килгән. Хатын-кыз сүзләренчә, түбәгә күп еллар су үтә, ә идарәче компания чаралар күрми.